السلام عليكم و رحمة الله و بركاته
كما عودناكم نعود إليكم اليوم بوصفة من وصفات أم وليد المتمثلة في كيفية تحضير فطاير مقلية ومحشية ،مقرمشة في أقل من ساعة بطريقة جد مبسطة .
كما أن طريقة أم وليد لكيفية تحضير فطاير مقلية ومحشية ،مقرمشة بطريقة مكتوبة تساعدكم على تفادي الأخطاء وهي تتكون مما يلي:
_صدر الدجاج
_التوابل و المقادير
_بعض الخضروات
في مقلاة نديرو 4 ملاعق كبيرة تع زيت ونخلوهم يحماو مليح ثم نضع الدجاج نظيفو الملح و الفلفل الأسود و زنجبيل وفلفل احمر
–
كي يطيب الدجاج ننزعوه نحطوه على جيهة وفي نفس المقلاة لي فيها زيت الدجاج نديرو البصل و الفلفل الأخضر و الجزر نضيفو نفس التوابل كيما فدجاج وشوية معدنوس
–
نقطعو الدجاج لي طيبناه لقطع صغيرة و نضيفوه للخضراوات لي كملنا طيبناها
–
نحضرو العجينة تاعنا نديرو الفرينة نضيفو خميرة الخبز السكر و الملح وزعتر نخلطوها مبعد نظيفولها زيت و الحليب كي تتلايم العجينة راح نعجنوها باليد لمدة دقيقتين
–
كي نتحصلو على قوام العجينةالملساء والطرية نجيبو الإناء ونديرو فيه العجينة نضيفو ملعقة فرينة ونغطو الإناء بسيلوفان ونخلوها تخمر لمدة مابين 20 دقيقة و 30 دقيقة——
كي تخمر العجينة نجيبوها نحطوها على سطح العمل نديروها على شكل حربوش ونقطعوها على شكل كريات نفس الحجم
–
كي نكملو نشكلو الكريات نجيبو صينية نرشوها بشوية فرينة وحطو فيها العجينة تاعنا ونغطو عليهم بي پاپي سيلوفان
–
نجيبو الحشوة نديرولها الجبن لي نحبوه ونجيبو الكريات نفتحوها على شكل دائري بي الحلالْ ونديرو الحشوة تاعنا نستعملو الماء في أطراف العجينة باش نغلقوها وتلصق مليح ونحطوها في صينية فيها الدقيق الأبيض او الفرينة
–
كي نكملو نعمرو العجينة و نكملو لصقوها وفي المرحلة الأخيرة راح نديرو التغلفة
–
نجيبو زوج صحون واحد نديرو في 2 حبات بيض و الثاني فتات الخبز ونغلفو فيهم كامل السندويشات بكل سهولة وكي نكملو نديرو الخبيزات تاوعنا يعومو فالمقلاة لي فيها زيت على نار متوسطة
–
في الأخير نتلقاو في طبق التقديم ونتمتعو بقرمشة الفطائر تاوعنا
بواسطة ام وليد
المدام © جميع الحقوق محفوضة | Réalisation OMODIZ
